Tywydd Sych

Rhybuddion Gweithredol Ar Waith

O’r 12fed Mehefin 2025, rydyn ni’n datgan statws ‘Sychder yn Datblygu’ yng nghanolbarth a de Ceredigion oherwydd lefelau’r storfeydd dŵr sydd yng nghronfeydd dŵr yr ardal.

Dyma'r unig faes sy'n peri pryder ar hyn o bryd.

Am ragor o wybodaeth ar y sychder sy’n datblygu yng Nghanol a De Ceredigion cliciwch yma.

Y Tywydd

Mae tywydd sych yn cael effaith uniongyrchol ar ein hadnoddau dŵr ar draws ein hardal weithredu.

Mae’r flwyddyn hon wedi gweld y gwanwyn mwyaf poeth a heulog ar gofnod ar draws Cymru a’r DU. Mae’r cyfuniad hwn o wres a heulwen, ynghyd â glawiad isel iawn, wedi creu amodau ymestynnol o ran adnoddau dŵr ar draws rhan helaeth o’r wlad.

Mae’r cyfnod estynedig yma o dywydd sych yn golygu bod y storfeydd dŵr yn ein cronfeydd wedi disgyn i lefelau is nag y byddem yn dymuno ar gyfer yr adeg hon o’r flwyddyn.

Mae gan bob cronfa ac ardal a wasanaethwn wahanol bwyntiau sbardun ar gyfer cyfyngu ar ddefnydd o ddŵr. Rydyn ni wir am osgoi gwneud hyn, felly rydyn ni’n gofyn i gwsmeriaid weithio gyda ni i helpu i gynnal adnoddau dŵr.

Lefelau’r cronfeydd dŵr

Dŵr wyneb yw ffynhonnell tua 95% o’n hadnoddau dŵr, naill ai o gronfeydd storio neu ddŵr sy’n cael ei godi o afonydd. Mae’r ddelwedd isod yn dangos y sefyllfa o ran lefelau ein cronfeydd. Mae hyn yn cael ei ddiweddaru bob mis.

Ychydig iawn o ddibyniaeth sydd gennym ar gyflenwadau dŵr daear.

Mae’r ddibyniaeth yma ar ddŵr wyneb yn gallu ein gadael ni’n fwy bregus i gyfnodau byr o lawiad isel am fod lefelau afonydd yn newid yn gynt na dŵr daear. Cyfrifoldeb Cyfoeth Naturiol Cymru yw lefelau afonydd.

Camau Sychder

Rydyn ni’n dilyn pum cam gweithredu yn ein Cynllun Gweithredu ar Sychder, sy’n cael eu rheoli trwy fesurau rheoli galw. Rydyn ni’n cydweithio’n agos â Llywodraeth Cymru, Cyfoeth Naturiol Cymru ac asiantaethau eraill ar bob cam yn rhan o Grŵp Cyswllt Sychder Cymru.

Beth rydyn ni’n ei wneud nawr

Mae ein timau’n gweithio’n galed i wneud yn siŵr ein bod ni’n cymryd pob cam posibl i sicrhau effeithlonrwydd dŵr ar draws ein hardaloedd gweithredu, gan gynnwys:

• Canfod a thrwsio gollyngiadau er mwyn cwtogi ar faint o ddŵr sy’n cael ei golli o’r rhwydwaith. Mae timau’n gweithio i drwsio gollyngiadau cyn gynted â phosibl ar draws y wlad. Mae ein timau’n trwsio tua 700 o ollyngiadau pob wythnos ar hyn o bryd, a gall cwsmeriaid helpu trwy roi gwybod i ni am ddŵr sy’n gollwng. Dros y pum mlynedd nesaf, byddwn ni’n lleihau gollyngiadau o chwarter ac rydyn ni’n gwario tua £400m ar ddisodli pibellau a thrwsio gollyngiadau mewn ymdrech i gyflawni’r uchelgais yma
• Mwy o storfeydd dŵr.
• Addasu parthau a defnyddio tanceri i gludo dŵr i’r ardaloedd lle mae galw mawr
• Parhau i uwchraddio’r rhwydwaith.
• Dwysáu cynhyrchiant yn ein gweithfeydd trin er mwyn symud dŵr o gwmpas y system mewn ymdrech i gynnal y lefelau lle mae’r galw ar ei uchaf.

Rydyn ni’n gwneud ein gorau glas i arbed dŵr trwy drwsio gollyngiadau’n gyflym a symud dŵr o gwmpas lle gallwn ni, ac rydyn ni’n gofyn i chi helpu trwy leihau eich defnydd o ddŵr.

Mae hi’n bwysig ein bod ni i gyd yn gwneud rin rhan trwy barhau i leihau defnydd fel y gallwn helpu i leihau’r risg o gyfyngu ar gyflenwadau.

Cynllun Sychder

Mae Cynllun Sychder Dŵr Cymru’n amlinellu sut rydyn ni’n rheoli ein cyflenwadau dŵr mewn cyfnodau o dywydd sych er mwyn sicrhau parhad ein gwasanaethau i gwsmeriaid wrth amddiffyn yr amgylchedd. Mae’r cynllun yn cynnwys monitro lefelau dŵr a phatrymau’r tywydd er mwyn rhag-weld amodau sychder. Rydyn ni’n cyd-weithio’n agos â Llywodraeth Cymru, Cyfoeth Naturiol Cymru a rhanddeiliaid i ddatblygu’r cynllun.

Gallwch ddarllen ein cynllun sychder diweddaraf yma.

Newyddion cysylltiedig

• 25 Gorffennaf 2025 - Dŵr Cymru’n diolch i gwsmeriaid am helpu i amddiffyn cyflenwadau dŵr yn y tywydd sych estynedig
• 12 Mehefin 2025 - Dŵr Cymru’n datgan statws ‘Sychder yn Datblygu’ ar gyfer canolbarth a de Ceredigion
• 1 Mai 2025 - Annog cwsmeriaid i feddwl am eu defnydd o ddŵr wrth i’r tywydd sych barhau