Rheoli eich Cyfrif Dŵr Cymru ar-lein
Nid yw gofalu am eich cyfrif Dŵr Cymru erioed wedi bod yn haws!
Beth mae Fy Nghyfrif yn ei gynnig?
Gweld gwybodaeth eich cyfrif am falans, biliau, taliadau a llythyrau ar-lein. Byddwch chi hefyd yn gallu lawrlwytho biliau diweddar i’w hargraffu gartref.
Os ydych chi’n defnyddio mesurydd dŵr, byddwn yn rhoi gwybod i chi pan fydd angen i chi ei ddarllen. Rydym ni wedi ei gwneud yn haws ac yn gyflymach i chi gyflwyno’r darlleniad ei hun hefyd!
Sefydlu debyd uniongyrchol i dalu eich bil neu newid y dyddiad a’r manylion banc ar gyfer eich debyd uniongyrchol gweithredol.
Gwneud taliad ar-lein ar gyfer eich cyfrif ac arbed amser drwy basio ein gwiriadau diogelwch.
Byddwn yn rhoi gwybod i chi os oes unrhyw broblemau yn effeithio ar eich ardal chi (er enghraifft, os oes pibell wedi byrstio neu argyfwng yn eich ardal chi). Yna gallwch chi gael rhagor o wybodaeth a chofrestru i gael yr wybodaeth ddiweddaraf am ein cynnydd drwy e-bost
Bydd cofrestru ar gyfer Fy Nghyfrif hefyd yn golygu y byddwch chi’n derbyn eich bil ar-lein ac nid drwy’r post. Yn hytrach, byddwch yn gallu gweld eich bil ar unwaith yn eich cyfrif ar-lein diogel ar unrhyw adeg. Byddwn yn anfon e-bost neu neges destun atoch i roi gwybod i chi fod eich bil neu lythyrau ar gael hefyd.
Os oes gennych fesurydd dŵr, gallwch gymharu eich defnydd chi â defnydd cyfartalog aelwyd o’r un maint, gan roi’r wybodaeth sydd ei hangen arnoch i wneud unrhyw newidiadau i’ch defnydd ac arbed arian, dŵr a’r amgylchedd!
Trwy gofrestru ar gyfer Fy Nghyfrif, byddwch chi’n gweld unrhyw nodweddion newydd cyn gynted ag y cânt eu cyhoeddi – felly bydd gennych chi’r offer gorau i reoli’ch cyfrif bob amser.