Cau

Dewislen
English

Sut allwn ni eich helpu?

Mae ein cwsmeriaid fel arfer yn chwilio am:

Byrst mewn Pibell Ddŵr - Brychdwn

Wedi’i ddiweddaru: 17:00 16 August 2025

Rydym yn parhau i weithio i adfer cyflenwadau dŵr mewn rhannau o Sir y Fflint yn dilyn ein gwaith i drwsio'r brif bibell ddŵr oedd wedi byrstio ym Mrychdyn.

Mae'r broses o ail-lenwi'r rhwydwaith dŵr ar y gweill. Mae hyn yn broses ofalus wedi ei reoli er mwyn osgoi gollyngiadau eilaidd ac i amddiffyn ansawdd y dŵr ar draws rhwydwaith eang yma o dros 500km. Rydym yn disgwyl i gyflenwadau ddychwelyd i'r ardaloedd canlynol dros nos a bore yfory. Amcangyfrifon yw'r amseroedd hyn a gallent newid wrth i ni ail-lenwi'r rhwydwaith.

  • Nos Sadwrn: Disgwylir i gyflenwadau ddychwelyd i'r Fflint, Bagillt, Treffynnon, a rhannau o'r Wyddgrug erbyn tua 9 PM.
  • Yn hwyrach nos Sadwrn: Bydd ail gam yr ail-lenwi yn dod â dŵr yn ôl i Lannau Dyfrdwy, Cei Connah a mwy o ardaloedd o'r Wyddgrug erbyn tua 11 PM.
  • Canol Sul: Bydd y cam olaf yn canolbwyntio ar eiddo cyfagos ym Mrychdyn ac ardal ehangach Sir y Fflint, gyda disgwyl adferiad llawn erbyn amser cinio yfory.

Efallai y bydd rhai eiddo yn cymryd mwy o amser i weld eu cyflenwad dŵr wedi'i adfer yn llawn. Gall hyn ddigwydd am sawl rheswm. Gall cartrefi ar dir uwch brofi pwysedd isel neu gyflenwadau ysbeidiol ar y dechrau oherwydd bod dŵr yn cymryd mwy o amser i gyrraedd ardaloedd uwch. Gall aer sydd wedi'i ddal yn y system hefyd rwystro llif y dŵr, ac mae ein timau'n gweithio i leoli a rhyddhau'r aer hyn. Yn ogystal, gall ail-lenwi'r rhwydwaith ar ôl aflonyddwch mawr weithiau achosi byrst neu ollyngiadau eilaidd, ond mae gennym dimau wrth law i drwsio rhain cyn gynted â phosibl.

Mae'n ddrwg iawn gennym am yr aflonyddwch ac rydym yn gwerthfawrogi eich amynedd wrth i ni weithio i adfer cyflenwadau arferol cyn gynted â phosibl yn ddiogel.

Mae poteli dŵr dal ar gael dros nos o:

  • Pafiliwn Jade Jones, Y Fflint CH6 5ER
  • Maes Parcio a Theithio, Parc Diwydiannol Glannau Dyfrdwy, CH5 2NY
  • Maes Parcio Neuadd y Sir, Yr Wyddgrug CH7 6NF

Gofynnwn i gwsmeriaid gymryd y poteli dŵr sydd ei angen yn unig ac iddynt gysylltu â chymdogion bregus neu hŷn.

Rydym wedi cadarnhau trefniadau iawndal ac wedi cyhoeddi llythyr agored at gwsmeriaid yma.

I gael y newyddion diweddaraf, ewch i Yn Eich Ardal neu dilynwch ni ar y cyfryngau cymdeithasol.

Pibellau sy’n rhewi yn eich cartref

Os nad oes cyflenwad dŵr gennych yn ystod y tywydd oer, neu os yw pwysau'r dŵr wedi gostwng fel taw diferion yn unig gewch chi o'r tap, peidiwch â mynd i banig.

Beth i'w wneud os yw eich pibellau wedi rhewi?

  • Ffeindiwch eich stoptap mewnol a'i gau.
  • Draeniwch y system dŵr oer trwy fflysio'r tŷ bach a rhedeg y tapiau dŵr oer yn unig yn eich sinciau a’r bath.
  • Archwiliwch y pibellau am arwyddion o ddifrod, ac os yw'n ddiogel gwneud hynny, ceisiwch ddadmer y bibell sydd wedi rhewi trwy ddefnyddio poteli dŵr poeth neu dywel wedi ei wlychu mewn dŵr poeth, gan ddechrau ar ben y bibell. Peidiwch byth â defnyddio fflam agored neu lamp losgi i ddadmer y bibell.
  • Peidiwch byth â defnyddio fflam noeth neu lamp losgi i ddadmer pibell.
  • Agorwch y stoptap eto, a gwnewch yn siŵr bod eich dŵr yn rhedeg yn iawn.
  • Os ydych chi'n ansicr am unrhyw beth, unrhyw bryd, ffoniwch blymwr cofrestredig.

Watersafe – Plymwyr Lleol wed’u Cymeradwyo

Dewch o hyd i'ch plymwr, agosaf sydd wedi'i gymeradwyo gan Watersafe, nodwch eich cod post neu defnyddiwch eich lleoliad.

neu

Beth i'w wneud os oes pibell wedi byrstio?

Os oes pibell wedi byrstio, peidiwch â mynd i banig.

  • Ceisiwch ganfod ymhle mae'r twll - a datgysylltwch y cyflenwad trwy droi'r stoptap gyda’r cloc.
  • Mae’r stoptap yn edrych fel hyn fel rheol ac fel rheol bydd eich stoptap o dan sinc y gegin neu yn yr ystafell ymolchi lawr llawr - neu lle daw'r bibell gwasanaeth i mewn i'ch cartref.
  • Rhedwch yr holl dapiau yn y tŷ er mwyn lleihau faint o ddŵr sy’n gallu dianc.
  • Defnyddiwch dywelion trwchus i amsugno neu ddal y dŵr sy'n gollwng.
  • Diffoddwch offer trydan: os yw'r dŵr yn agos at unrhyw beth trydanol - gan gynnwys goleuadau, socedi neu offer - peidiwch â chyffwrdd â nhw. Mae gwifrau trydan sy'n cael eu difrodi gan ddŵr yn gallu bod yn beryglus dros ben, ac mae’n debygol bydd angen i chi ffonio rhywun proffesiynol i drwsio'r difrod.
  • Ffoniwch blymwr cofrestredig - os oes angen cymorth arnoch i drwsio pibell sydd wedi byrstio, cysylltwch â phlymwr sydd wedi cofrestru gyda Watersafe.

Pwy sy'n gyfrifol am drwsio'r broblem?

Pibellau sydd wedi rhewi ar eich eiddo Os yw'r pibellau yn eich cartref neu'ch gardd wedi rhewi, eich cyfrifoldeb chi yw hi. Bydd angen i chi alw plymwr cofrestredig.

Burst of leak pipe welsh

Beth ddylech chi ei wneud os nad oes cyflenwad dŵr gennych?

  • Ydyn ni'n gwneud gwaith yn eich ardal? Chwiliwch trwy'ch post rhag ofn ein bod ni wedi anfon llythyr atoch.
  • Ewch i'r dudalen Yn eich Ardal ar ein gwefan i weld a oes yna broblem yn eich ardal.
  • Holwch i weld a oes problem debyg gan eich cymdogion. Os oes e, ffoniwch ni
  • Os taw chi yw'r unig un heb gyflenwad dŵr, mae'n ddigon posibl bod y pibellau wedi rhewi yn eich eiddo.

Yn eich ardal

Gweld a oes unrhyw waith neu ddigwyddiadau wedi'u hadrodd yn agos i chi a allai fod yn effeithio ar eich cyflenwad dŵr, neu cofrestrwch i gael hysbysiadau a diweddariadau.

neu

Cysylltu

Gallwn ni eich cyfeirio i'r lle cywir.

Yn eich ardal chi

Digwyddiadau neu waith sydd wedi'i gynllunio yn agos i chi.