Ionawr 2024
Mae ein Tîm Cymunedol Cwsmeriaid Agored i Niwed wedi bod yma ac acw yn codi ymwybyddiaeth o’n cynlluniau a’n gwasanaethau cymorth, mewn amrywiaeth o ddigwyddiadau ledled Cymru yn ystod y mis.
Mae bod yn y gymuned yn caniatáu i ni gefnogi’r bobl hynny sydd o bosibl wedi eu hallgau yn ddigidol, neu’r rhai hynny sydd ag anableddau neu gyflyrau meddygol sy’n eu hatal rhag defnyddio ein cymorth drwy ein sianeli cyfathrebu traddodiadol.
Bydd rhai o’n cwsmeriaid yn rhoi gwybod i ni pa mor anodd yw cyfathrebu ar y ffôn iddynt oherwydd gorbryder neu eu bod yn poeni. Mae bod yn y gymuned yn ein helpu i gyrraedd y cwsmeriaid hynny i roi’r gefnogaeth y mae mor daer ei angen arnynt.