Cynllun Cymorth Dyled WaterDirect
Os yw eich cwsmer mewn trafferthion ariannol ac mewn dyled gyda ni, gall gynllun dyledion WaterDirect helpu trwy dalu’r taliadau dŵr a'r ddyled trwy fudd-daliadau’r cwsmer. Mae hyn yn golygu y bydd yr ôl-ddyledion yn lleihau'n araf, gan ei helpu i ennill rheolaeth dros y sefyllfa.
Sut mae’n gweithio?
Rydym yn gweithio gyda'r Adran Gwaith a Phensiynau i gynnig i'ch cwsmer y dewis o dalu’r taliadau dŵr drwy ei fudd-daliadau.
Mae hyn yn golygu:
- Ni fyddwch yn methu eich taliadau
- Ni fydd angen i ni gymryd camau i adfer yr arian
- Mae’n hwylus, am fod y taliadau’n cael eu codi o’ch budd-daliadau yn awtomatig
Byddwn hefyd yn rhoi gostyngiad o £25 oddi ar taliadau’r flwyddyn gyfredol.
Dyma esiampl
Enghraifft yn unig yw hyn a gall rhandaliadau cwsmeriaid fod yn wahanol i’r isod.
| Math o Dâl | Swm |
|---|---|
| Taliadau’r flwyddyn gyfredol | £300 |
| Disgownt | -£25 |
| Dyledion | £250 |
| Cyfanswm | £525 |
Byddem yn rhannu'r cyfanswm dros 52 wythnos, felly gan gynnwys y gostyngiad byddai hyn yn £8.99 yr wythnos ac yna byddech yn ddiddyled ar ddiwedd y cynllun.
A yw eich cwsmer yn gymwys?
Efallai y bydd yn gymwys os:
- Mae’r cyfrif dŵr ar gyfer eiddo domestig lle mae’n byw ar hyn o bryd.
- Mae’r ôl-ddyledion yn fwy na £50.
- Mae’n derbyn un o'r budd-daliadau canlynol:
- Cymhorthdal Incwm
- Lwfans Ceisio Gwaith yn seiliedig ar Incwm
- Credyd Pensiwn
- Lwfans Cyflogaeth a Chymorth (yn seiliedig ar incwm)
- Credyd Cynhwysol
Gwnewch gais ar-lein
i’n cynllun dyledion WaterDirect
Drwy lenwi'r ffurflen hon, mae'r cwsmer yn cytuno i ni gyflwyno cais i'r Adran Gwaith a Phensiynau ar ei ran.
Bydd yn cael gwybod o fewn 6 i 8 wythnos o gyflwyno'r cais i gadarnhau a fu’n llwyddiannus. Bydd y rhandaliadau'n cael eu cadarnhau os ydych / ydyw yn llwyddiannus.
I gysylltu â'r Adran Gwaith a Phensiynau yn uniongyrchol, edrychwch ar y ffyrdd o gysylltu â nhw..