Hwyl hanner tymor am ddim i deuluoedd

Dydd Iau, 2 Tachwedd 2023, rhwng 10am a 2pm, bydd dros 30 o sefydliadau yn y ganolfan yn cynnig gwybodaeth am gymorth gyda chostau byw, arbed ynni, iechyd meddwl a llawer mwy.

Yn ogystal â stondinau gwybodaeth, bydd yna ddigonedd o weithgareddau i blant, gan gynnwys celf a chrefft, gemau ac adeiladu Lego, raffl ar thema teuluoedd a chŵn poeth a lluniaeth am ddim i ymwelwyr.

Dywedodd Jody Perkins, Cynghorydd Hyrwyddo Dŵr Cymru: “Mae hanner tymor yn gallu bod yn amser drud i deuluoedd. Fel mam i bedwar fy hun, rwy’n gwybod pa mor brysur mae pethau’n gallu bod.

“Rwy’n edrych ymlaen yn fawr at gynnal ein digwyddiad am ddim i deuluoedd dros hanner tymor mis Hydref â’r nod o dynnu cwsmeriaid o’r ardal ynghyd i gael hwyl a chlywed am y cymorth gwych sydd ar gael iddynt gan Ddŵr Cymru a’n sefydliadau partner, fel Cyngor Casnewydd.

“Bydd Dŵr Cymru’n hybu’r gwahanol gynlluniau cymorth ariannol sydd ar gael i gwsmeriaid, yn ogystal â chyfleoedd i weithio dros y cwmni a chynigion ac awgrymiadau am ffyrdd o arbed dŵr a gwella effeithlonrwydd dŵr yn y cartref.”

Nid oes angen bwcio ar gyfer y digwyddiad hwn, ac mae’r ganolfan yn hawdd ei chyrraedd gan ddefnyddio cludiant cyhoeddus. Mae yna gyfleusterau parcio gyferbyn â’r ganolfan, ond rhaid talu i ddefnyddio’r rhain.

I gael rhagor o fanylion am y cymorth ariannol sydd ar gael gan Ddŵr Cymru ewch i: dwrcymru.com/costaubyw.

Gweithgareddau a gwybodaeth gan dros 30 o sefydliadau gan gynnwys:

• Newport Mind
• Help Me Quit (Stop Smoking Services)
• Warm Wales
• Newport Citizen’s Advice
• Newport City Homes
• Newport City Council
• Sparkle
• Aneurin Bevan University Health Board
• OVO
• South Wales Fire and Rescue
• Victim Support
• Flying Start
• Communities for Work Plus
• Race Equality Wales
• Jessica Morden MP
• National Energy Action
• MELO
• Honey Legal
• Riverside Advice
• Newport Job Centre Plus
• Newport Credit Union
• Barnados
• LoanShark Wales
• Tesco
• Pobl
• Step Change Debt Charity
• Mini First Aid Cardiff and Newport

I glywed y newyddion diweddaraf ac am ddigwyddiadau gan Ddŵr Cymru, dilynwch @DwrCymruWelshWater ar Facebook ac Instagram, a @DwrCymru ar Twitter.