Clwb Bowlio Romilly, y Barri yn cael arian gan Dŵr Cymru

• Clwb Bowlio Romilly, y Barri yn cael arian o Gronfa Gymunedol Dŵr Cymru.
• Defnyddir yr arian i adnewyddu cegin y clwb.
• Ers 2019, mae’r cwmni wedi buddsoddi dros £6.5 miliwn er mwyn gwella’r rhwydwaith dŵr gwastraff yn ardal y Barri.

Mae Clwb Bowlio Romilly, y Barri wedi cael arian £500 o Gronfa Gymunedol Dŵr Cymru. Roedd hyn yn rhan o gynllun y cwmni nid-er-elw i fuddsoddi £6.5 miliwn yn yr ardal i uwchraddio’r system dŵr gwastraff ger Parc Gwledig Porthceri a Weycock Cross.

Mae dros 65 o aelodau yn y clwb llwyddiannus sydd wedi’i sefydlu ers blynyddoedd maith. Mae’n lle gwych i bobl gyfarfod, cymdeithasu a chael ymarfer corff. Mae’r rhodd wedi helpu i adnewyddu cegin y clwb sy’n cael ei defnyddio’n rheolaidd.

Dywedodd Paul James, Ysgrifennydd Clwb Bowlio Romilly, y Barri: “Rydym wedi cael arian o sawl ffynhonnell i adnewyddu’r gegin, yn eu plith roedd rhodd garedig gan Dŵr Cymru. Rydym yn falch o’r hyn rydym wedi’i gyflawni yn y clwb ac rydym yn ddiolchgar i’r cwmni am eu cefnogaeth.”.

Mae Cronfa Gymunedol Dŵr Cymru yn gyfle i gymunedau hybu ymdrechion i godi arian at achosion da yn eu hardal nhw. Os ydych yn byw mewn ardal lle mae’r cwmni’n gweithio – a’ch bod yn codi arian at brosiectau er budd y gymuned – gallech gael gwerth hyd at £1,000 gan Dŵr Cymru. Os hoffech ragor o wybodaeth, ewch i dwrcymru.com/Cronfa-Gymunedol  

Dywedodd Claire Roberts, Pennaeth Ymgysylltu Cymunedol gyda Dŵr Cymru:, “Mae’n bleser gan Gronfa Gymunedol Dŵr Cymru gefnogi Clwb Bowlio Romilly, y Barri. A ninnau’n gwmni nid-er-elw, ein cwsmeriaid sydd wrth galon ein holl waith ac mae’r Gronfa’n ein galluogi i roi rhywbeth yn ôl i’r cymunedau rydym yn buddsoddi ynddyn nhw.”