Byddwch yn treulio wythnos gyda chydweithwyr Dŵr Cymru yn un o'n lleoliadau ledled Cymru a Swydd Henffordd (bydd angen i chi fod â’ch cludiant eich hun i gyrraedd y lleoliad a nodir). Yno, cewch gyfle i ddysgu am Dŵr Cymru, yr hyn a wnawn, sut rydym yn ei wneud a'n gwerthoedd. Mae'r cyfleoedd hyn yn agored i bawb – unrhyw oedran neu lefel addysg, p'un a ydych yn dal yn yr ysgol neu wedi gweithio ers degawdau ond awydd newid.
Mae gennym 5 o wahanol lwybrau profiad gwaith yn dibynnu ar ba swyddi a meysydd busnes y mae gennych ddiddordeb ynddynt.
Ein 5 llwybr profiad gwaith yw:
Peirianneg a Gweithrediadau
Rydym yn cynnal ac yn gwella ein piblinellau a'n gwaith trin dŵr i sicrhau bod dŵr a dŵr gwastraff yn ddiogel ac yn effeithlon. Mae swyddi yn cynnwys trydanwyr, gosodwyr mecanyddol, gweithredwyr ac arolygwyr.
Dyddiad: 7-11 Gorffennaf
Lleoliad: Herefordshire – Broomy Hill WTW, Breinton Road, Hereford, HR4 0JS
Byddwch yn cael cipolwg ar sut rydym yn dosbarthu ac yn gofalu am daith dŵr yfed o’r broses trin dŵr i’r tap. Byddwch yn dysgu am sut rydym yn edrych ar ôl y rhwydwaith yn rhagweithiol; y wyddoniaeth a'r dechnoleg dan sylw a'n cyfrifoldeb i sicrhau iechyd a lles ein cwsmeriaid trwy ddarparu dŵr yfed glân a diogel.
Cwsmeriaid
Rydym yn darparu gwasanaeth a chymorth i gwsmeriaid, gan sicrhau bod eu hanghenion yn cael eu diwallu wrth hyrwyddo profiad cadarnhaol i'r defnyddiwr. Mae swyddi yn cynnwys cynghorwyr cwsmeriaid, darllenwyr mesuryddion, arweinwyr tîm manwerthu.
Dyddiad: 7-11 Gorffennaf
Lleoliad: De-ddwyrain – Swyddfa Linea, Ffordd Fortran, Llaneirwg, Caerdydd, CF3 0LT
Dyma gyfle bendigedig i ddysgu sut rydyn ni’n rhyngweithio â’n cwsmeriaid. Fe fyddwch chi’n cylchdroi o gwmpas yr adrannau Adwerthu, gyda chyfnodau gyda’r timau bilio, gwasanaethau cwsmeriaid, cwsmeriaid bregus a refeniw, ac yn cael cyfle i dreulio amser gyda’n timau brys yn y ganolfan gysylltu gweithredol. Cewch gwrdd â’n timau dirnad cwsmeriaid sy’n edrych ar ymddygiad cwsmeriaid a sut rydyn ni’n gwella ein gwasanaethau’n barhaus hefyd.
Data a Thrawsnewid
Rydym yn dadansoddi data ac yn ysgogi arloesedd digidol i wella effeithlonrwydd gweithredol, gwasanaeth cwsmeriaid a rheoli adnoddau. Mae swyddi yn cynnwys gwyddonwyr data, dadansoddwyr profion, dadansoddwyr seiberddiogelwch.
Dyddiad: 7-11 Gorffennaf
Lleoliad: De-ddwyrain – Swyddfa Linea, Ffordd Fortran, Llaneirwg, Caerdydd, CF3 0LT
Oes gennych chi ddiddordeb mewn data ac yn awyddus i archwilio ei effaith ar fusnes? Mae ein tîm data yn cynnig lleoliad profiad gwaith lle byddwch yn dod i gysylltiad ag ystod o feysydd sy'n cael eu hysgogi gan ddata, gan gynnwys deallusrwydd busnes, gwyddor data, awtomeiddio, llywodraethu data a pheirianneg data. Mae hwn yn gyfle gwych i dyfu eich dealltwriaeth dechnegol, dysgu gan weithwyr proffesiynol profiadol a gwneud cyfraniadau ystyrlon.
Busnes a Chorfforaethol
Rydym yn rheoli swyddogaethau ariannol, gweinyddol a strategol i gefnogi gweledigaeth Dŵr Cymru a thwf cynaliadwy. Mae swyddi yn cynnwys gweinyddwyr, cynghorwyr adnoddau dynol, cyfrifwyr, cynghorwyr iechyd a diogelwch.
Dim dyddiadau ar gael
Gwyddoniaeth a'r Amgylchedd
Rydym yn monitro ansawdd dŵr ac effaith amgylcheddol, gan sicrhau cydymffurfiaeth â rheoliadau a hyrwyddo cynaliadwyedd ecolegol. Mae swyddi yn cynnwys technegwyr labordy, rheolwyr cyswllt ansawdd afonydd, gwyddonwyr prosesau.
Dim dyddiadau ar gael
