Ffurflen hawlio
Mae Ffurflen Hawlio yn ddogfen gyfreithiol ffurfiol a ddefnyddir i wneud hawliad yn y Llys Sirol. Mae'r Ffurflen Hawlio yn nodi sail yr hawliad ynghyd â'r swm yr ydym yn ei hawlio gennych.
Rydym yn anfon hwn i'r Llys er mwyn iddo 'selio' a 'chyflwyno’ yr hawliad. Rhoddir rhif hawlio unigryw i'r hawliad. Yna bydd y Llys yn anfon yr hawliad atoch.
Pam y mae’r llys wedi anfon ffurflen hawlio ataf?
Oherwydd ein bod wedi cyflwyno hawliad (a ddisgrifir uchod), yn dilyn eich methiant i naill ai wneud taliad neu i gysylltu â ni gyda chynigion talu; neu nid oes trefniant ad-dalu ffurfiol wedi ei gytuno.
Beth fydd canlyniad Dyfarniad Llys Sirol?
Mae'r dyfarniadau'n aros ar y Gofrestr Dyfarniadau am chwe blynedd. Mae banciau a chwmnïau benthyciadau yn defnyddio'r wybodaeth hon i helpu i benderfynu a ddylid rhoi credyd i chi. Tynnir eich dyfarniad oddi ar y gofrestr ar yr amod:
- y talwyd y swm llawn o fewn 28 diwrnod ar ôl dyddiad y dyfarniad
- rhoddir o’r neilltu (ei dynnu'n ôl) gan y llys.
Os byddwch yn talu'r swm llawn o fewn 28 diwrnod gallwch ddileu eich dyfarniad drwy anfon ffi a phrawf o daliad i'r Llys. Os yw'n cymryd mwy na 28 diwrnod i chi dalu'r dyfarniad, gallwch anfon ffi a phrawf o daliad i sicrhau bod y dyfarniad wedi'i nodi’n 'fodlon' ar y gofrestr. Bydd yn aros am chwe blynedd ond bydd pobl/cwmnïau sy'n chwilio'r gofrestr yn gweld eich bod wedi’i dalu.
Gallwch chwilio'r gofrestr eich hun am ffi. Os yw eich manylion yn anghywir gallwch gael y Llys i wirio eich manylion. Mae rhai cwmnïau'n cynnig gwiriadau 'trwsio credyd', ond fel arfer gallwch ddatrys pethau eich hun yn rhatach drwy’r Llys.
Cwestiynau Cyffredin
Ni ddylech ei hanwybyddu a dylech ei darllen yn ofalus. Dylech ofyn am gyngor cyfreithiol annibynnol os nad ydych yn siŵr am unrhyw agwedd ar y ffurflen hawlio a'r hyn y mae angen i chi ei wneud nesaf.
Os byddwch yn cydnabod yr hawliad, caiff y terfyn amser o 14 diwrnod ei gynyddu i 28 diwrnod. Rhoddir amser ychwanegol i chi ymchwilio i'r mater a chael cyngor cyfreithiol annibynnol. Byddem yn fwy na pharod i drafod yr hawliad gyda chi ar unrhyw adeg yn ystod y cyfnod hwn.
Os byddwch yn gwneud cynnig i dalu drwy randaliadau yn ystod y cam hwn, mae hynny naill ai'n golygu mai dyma'r tro cyntaf rydych wedi gwneud y cynnig, neu eich bod yn ailadrodd / cynyddu cynnig a wrthodwyd gennym yn flaenorol. Dylech anfon y cynnig atom, a byddwn yn anfon ein hymateb i'r llys. Os bydd y llys yn penderfynu gwneud gorchymyn i dalu drwy randaliadau nad ydym yn credu ei fod yn rhesymol, gallwn apelio yn erbyn y penderfyniad a gofyn naill ai am randaliadau uwch neu am 'ddyfarniad di-oed' (hy, eich bod yn talu'r ddyled lawn ar unwaith).
Bydd hyn yn golygu y caiff y mater ei drosglwyddo i'ch llys lleol. Ceir cyfarwyddiadau pellach gan y llys a phennir dyddiad ar gyfer gwrandawiad y bydd yn rhaid i chi / eich cynrychiolydd cyfreithiol gydymffurfio â hwy. Caiff mater a amddiffynnir ei atgyfeirio at ein Cyfreithiwr Cwmni i ymdrin ag ef.
Os na fyddwch wedi ymateb i'r hawliad o fewn 14 diwrnod, gallwn wneud cais am Ddyfarniad Diffygdalu, sy'n golygu y gallwn symud ymlaen i'r cam gorfodi.
Pan fyddwn yn mynd i gostau cyfreithwyr a llysoedd, mae hawl gennym i ychwanegu'r costau hyn at y swm y gofynnir amdano ar y ffurflen hawlio. Mae'r costau hyn yn rhan o'r balans newydd. Gallwn hefyd ofyn am log ar werth y ddyled.
Cysylltwch â’n tîm dyledion
Siaradwch â chynghorydd
Os oes gennych unrhyw ymholiadau neu bryderon ynghylch talu eich bil dŵr, siaradwch â’n cynghorwyr cyfeillgar.
8am i 6pm Llun i Gwener. Mae hwn yn rhif ffôn di-dâl.