Esemptiadau

Eithriadau Statudol

Gall cwsmeriaid sy'n bodloni'r gofynion isod barhau i ddefnyddio dŵr heb orfod cyflwyno achos i Dŵr Cymru Cyfyngedig i gael caniatâd. Wrth ddefnyddio dŵr, gofynnir i gwsmeriaid ddefnyddio dŵr yn ddoeth a mabwysiadu arferion effeithlon o ddefnyddio dŵr:

• Defnyddio piben ddyfrhau am resymau iechyd neu ddiogelwch, pan fo hyn yn cynnwys (a) gwaredu neu leihau unrhyw risg i iechyd neu ddiogelwch pobl neu anifeiliaid; a (b) atal neu reoli lledaeniad cyfryngau a all achosi clefydau;
• Dyfrhau planhigion sydd (1) yn cael eu tyfu neu eu cadw ar gyfer eu gwerthu neu ar gyfer defnydd masnachol, neu (2) sy'n rhan o Gasgliad Planhigion Cenedlaethol neu arddangosfa flodau dros dro;
• Glanhau unrhyw ran o gwch hamdden preifat sydd, heblaw am ddrysau neu ffenestri, wedi'i hamgáu gan do a waliau;
• Llenwi neu gynnal a chadw pwll dŵr pan fo angen wrth ei adeiladu;
• Llenwi neu gynnal a chadw pwll dŵr sydd wedi ei gynllunio, ei adeiladu neu ei addasu i'w ddefnyddio mewn rhaglen o driniaeth feddygol;
• Llenwi neu gynnal a chadw pwll dŵr sy'n cael ei ddefnyddio er mwyn dadlygru anifeiliaid o heintiau neu glefydau;
• Llenwi neu gynnal a chadw pwll dŵr a ddefnyddir mewn rhaglen o driniaeth filfeddygol;
• Llenwi neu gynnal a chadw pwll dŵr lle mae pysgod neu anifeiliaid dyfrol eraill yn cael eu magu neu eu cadw mewn caethiwed;
• Llenwi neu gynnal a chadw pwll dŵr domestig lle mae pysgod neu anifeiliaid dyfrol eraill yn cael eu magu neu eu cadw mewn caethiwed; a
• Llenwi neu gynnal a chadw ffynnon addurnol sydd mewn pwll pysgod neu'n agos iddo gyda’r diben o gyflenwi digon o ocsigen i'r dŵr yn y pwll er mwyn cadw'r pysgod yn iach.

Noder: mae dyfrhau ardaloedd o laswellt, sy'n cael eu defnyddio ar gyfer chwaraeon neu hamdden, yn cael ei gwmpasu gan Eithriadau Statudol ar gyfer iechyd a diogelwch yn unig mewn cysylltiad â'r llain weithredol/ardal chwarae, nid y tir cyfan.

Eithriadau Cyffredinol yn ôl Disgresiwn

Gall cwsmeriaid sy'n bodloni'r meini prawf isod ar gyfer Eithriad Cyffredinol yn ôl Disgresiwn barhau i ddefnyddio dŵr heb orfod cyflwyno sylwadau i Dŵr Cymru Cyfyngedig i gael caniatâd i ddefnyddio dŵr ar gyfer y defnyddiau cyfyngedig canlynol. Gofynnir i gwsmeriaid sy'n bodloni'r gofynion ar gyfer Eithriad Cyffredinol yn ôl Disgresiwn ddefnyddio dŵr yn ddoeth a mabwysiadu arferion effeithlon o ddefnyddio dŵr. Mae hyn yn gymwys i deiliaid Bathodyn Glas a cwsmeriaid sydd ar ein Cofrestr Gwasanaethau Blaenoriaeth.

Mae'r meini prawf ar gyfer Eithriad Cyffredinol yn ôl Disgresiwn yn cynnwys:

• Dyfrhau tyweirch sydd newydd eu gosod am y 28 diwrnod cyntaf;
• Dyfrhau planhigion sydd newydd eu prynu am y 14 diwrnod cyntaf;
• Cwsmeriaid sy'n defnyddio system ddyfrhau ddafnu neu ddiferu cymeradwy sydd â falf lleihau pwysedd a system amseru.

Glanhau cerbyd modur preifat gan ddefnyddio piben ddyfrhau

• Defnyddwyr cyfarpar penodol a gymeradwywyd, megis golchwyr pwysedd manyleb uchel;
• Piben ddyfrhau gyda chlicied a weithredir â llaw neu gyfarpar sy’n defnyddio dŵr yn effeithlon;
• Cwsmeriaid masnachol sy'n defnyddio pibenni dyfrhau fel rhan o'u busnes ar gyfer rhai categorïau TUB, e.e. golchi ceir â llaw, glanhau ffenestri, cael gwared ar graffiti).

Glanhau cwch hamdden preifat gan ddefnyddio piben ddyfrhau

• Y rhai sy'n defnyddio cychod fel prif breswylfa;
• Achosion pan fo baw ar gorff y cwch yn achosi cynnydd yn y defnydd o danwydd oherwydd yr ataliad ychwanegol;
• Ar gyfer peiriannau a gynlluniwyd i gael eu glanhau gyda phiben ddyfrhau;
• Gweithredu nodweddion dŵr ag arwyddocâd crefyddol;
• Cwsmeriaid ar Restr Cwsmeriaid Bregus y cwmni sydd â phroblemau symudedd ond nad ydynt yn ddeiliaid Bathodyn Glas.

Llenwi neu gynnal a chadw pwll nofio neu badlo domestig

• Pyllau nofio gyda gorchuddion;
• Pyllau sydd â systemau arbed neu ailgylchu dŵr cymeradwy;
• Pyllau padlo yn y cyfnod cynnar o sychder;
• Pyllau sy'n dueddol o fod ag angen gwaith atgyweirio ac adnewyddu sylweddol;
• Llenwi pyllau newydd;
• Pyllau nofio sy'n gwasanaethu hyfforddiant diwydiannol os gellir eu cyfiawnhau;
• Pyllau ag arwyddocâd crefyddol.

Glanhau waliau, neu ffenestri, safle domestig gan ddefnyddio piben ddyfrhau

• Pan ddefnyddir technolegau defnydd dŵr isel iawn sydd wedi’u cymeradwyo gan y cwmni dŵr;
• Er mwyn cael gwared ar graffiti.

Glanhau llwybrau neu batios gan ddefnyddio piben ddyfrhau a glanhau arwynebau awyr agored artiffisial eraill gan ddefnyddio piben ddyfrhau

• Glanhau llwybrau neu batios neu arwynebau awyr agored artiffisial eraill gan ddefnyddio piben ddŵr i gael gwared ar graffiti neu pan ddefnyddir technolegau defnydd dŵr isel iawn wedi’u cymeradwyo gan y cwmni dŵr;
• Busnesau bach sydd yn canolbwyntio ar lanhau cerbydau yn unig ac sy’n defnyddio pibenni dŵr;
• Er mwyn atal neu reoli lledaeniad rhywogaethau anfrodorol a/neu ymledol.