Prif gyfrifoldeb Dŵr Cymru yw rheoli, cynnal a diweddaru ei asedau er mwyn darparu cyflenwad dŵr yfed glân a dibynadwy a delio’n effeithiol â dŵr gwastraff er mwyn diogelu iechyd y cyhoedd a’r amgylchedd.

Wrth ddarparu’r gwasanaeth cyhoeddus hanfodol yma, byddwn yn gweithio’n galed i ddiogelu’r amgylchedd a’n treftadaeth. Ble’n addas, byddwn yn cynnal asesiad amgylcheddol ac yn bachu ar gyfleoedd i wneud gwaith cadwraethol pellach. Ar ben hynny, byddwn yn ymgynghori â’r cyrff perthnasol wrth ddyfeisio cynlluniau newydd er mwyn diogelu bywyd gwyllt a nodweddion archeolegol.

Cyn dechrau gwaith mawr byddwn yn cydweithio’n agos â chymunedau lleol ac yn cynnal arddangosfeydd cyhoeddus i esbonio’r gwaith ac ateb cwestiynau trigolion lleol. Os bydd y gwaith yn ymyrryd â chyflenwadau, neu bydd angen mynediad i adeiladau cwsmeriaid, byddwn yn rhoi pecynnau gwybodaeth cynhwysfawr i’r cwsmeriaid a effeithir yn uniongyrchol gan y gwaith ac yn trefnu llinell gymorth 24 awr. Os  bydd angen, bydd cwsmeriaid yn gallu gofyn i ni ymweld â nhw i esbonio effaith y gwaith.

Byddwn hefyd yn hysbysu’r awdurdod lleol, cyngor cymuned a’r Aelod Cynulliad perthnasol o’r gwaith.