Ym mis Gorffennaf 1999, disodlwyd deddfau dŵr lleol Cymru a Lloegr gan y Rheoliadau Cyflenwi Dŵr (Ffitiadau Dŵr) 1999. Cyflwynwyd nhw o dan amodau adran 74, Deddf Diwydiant Dŵr 1991 er mwyn atal gwastraff, camddefnydd, gorddefnydd, cam-fesur neu lygru dŵr yfed. Yn ogystal pennwyd rheolau ar gyfer cynllunio, gosod a chynnal systemau a ffitiadau dŵr. Bydd pob cwmni dŵr yn gweithredu’r Rheoliadau o fewn eu hardaloedd cyflenwi.

Rhaid i systemau a ffitiadau dŵr mewn adeiladau sydd wedi (neu am gael) eu cysylltu â’r system cyflenwi dŵr cyhoeddus ddilyn y Rheoliadau. Os yn bwriadu gwneud gwaith plymwr fel isod, bydd rhaid cael ein caniatâd ymlaen llaw

• codi adeilad newydd
• ymestyn neu addasu system ddŵr mewn unrhyw adeilad ac eithrio tŷ preswyl
• newid sylweddol mewn defnydd o unrhyw adeilad
• gosod unrhyw ffitiad a restrir yn adran 5 o’r Rheoliadau
• adeiladu pwll dŵr neu bwll nofio mawr gydag adnoddau ail-lenwi otomatig

Mae WRAS (Water Regulations Advisory Scheme) wedi cyhoeddi canllaw rheoliadau dŵr sy’n esbonio’r Rheoliadau yn fwy manwl.