Taliadau Mesuredig ar sail Asesiad

Dim ond cwsmeriaid sydd wedi gwneud cais am fesurydd dŵr ond na fu modd i ni osod un ar eu cyfer sy’n gymwys ar gyfer y Tâl Mesuredig ar sail Asesiad. Er enghraifft lle nad oedd y pibellau’n addas.

Beth yw Tâl Mesuredig ar sail Asesiad?

Byddwn ni’n cyfrifo’ch bil ar sail y defnydd nodweddiadol o ddŵr ar gyfer yr offer sydd yn yr eiddo (yn ôl y bandiau yn y tabl isod) a’r nifer y bobl sy’n byw yno.

Yn ôl pa fand y cewch chi’ch bilio?

Nifer yr offer sy’n defnyddio dŵr yn eich eiddo sy’n pennu’r band. Rydyn ni’n cyfrif pethau fel peiriannau golchi, pibellau i ddyfrio’r ardd, taenellwyr, peiriannau golchi llestri a chawodydd pŵer.

• Band isel - dim neu un o’r pethau uchod.
• Band cymedrol - dau neu ragor o’r pethau uchod.

Pryd cewch chi’ch bil?

Byddwn ni’n anfon eich bil Mesuredig ar sail Asesiad atoch unwaith y flwyddyn rhwng Chwefror a Mawrth. Mae hyn ar gyfer eich taliadau o 1 Ebrill i 31 Mawrth (fel bil y dreth gyngor). 

Taliadau Mesuredig ar sail Asesiad (o 1 Ebrill 2013 i 31 Mawrth 2014)

Er enghraifft: Os oes un person yn byw yn yr eiddo a bod gennych beiriant golchi, cewch eich asesu ar sail band isel, felly £261 fyddai’r tâl blynyddol ar gyfer 2013-2014.

Pryd y mae angen i chi dalu’ch bil

Fel cwsmer sy’n cael Tâl Mesuredig ar sail Asesiad, gallwch dalu eich bil:

• Dewis 1 - yn gyfan erbyn 1 Ebrill a chael disgownt o 1.5% ar eich taliadau. Cewch ddefnyddio ein gwasanaeth talu ar-lein wrth dalu â cherdyn debyd neu gredyd.
• Dewis 2 - mewn dau randaliad erbyn 1 Ebrill ac 1 Hydref.
• Dewis 3 - mewn deg rhandaliad, rhwng Ebrill a’r mis Ionawr canlynol (fel taliadau’r dreth gyngor).
• Option 4 - mewn rhandaliadau pob pythefnos neu bob wythnos.

Am dalu eich bil dros gyfnod? Trefnu cynllun talu fel isod:

• Llenwi ffurflen Debyd Uniongyrchol (opsiwn 1, 2 neu 3 uchod) neu
• Llenwi ffurflen Debyd Uniongyrchol wythnosol neu
• Llenwi ffurflen cynllun talu (ar gyfer cerdyn neu lyfryn talu).

Os oes gennych gynllun talu ond eich bod chi’n methu â chadw ato, bydd gofyn i chi dalu’r balans llawn sy’n ddyledus.

Oeddech chi’n gwybod...

• Os byddwch chi’n symud allan o eiddo â Thâl Mesuredig ar sail Asesiad cyn 31 Mawrth a’ch bod chi wedi talu’ch bil llawn, caiff unrhyw ordaliad ei ad-dalu neu ei drosglwyddo i’ch cyfeiriad newydd, felly ni fyddwch chi ar eich colled.

Er enghraifft:

Pwy sy’n cydsynio i’n taliadau?

Ofwat rheoleiddiwr y diwydiant dŵr, sy’n pennu ein taliadau.