Prif gyfrifoldeb Dŵr Cymru yw diwallu anghenion a disgwyliadau ein cwsmeriaid wrth ddarparu cyflenwad dŵr yfed glân a dibynadwy, a delio’n effeithiol â dŵr gwastraff. Wrth wneud hynny, byddwn yn ceisio nodi ac ymateb i oblygiadau amgylcheddol ein gweithgareddau ac ystyried cyfleoedd i gynnal yr amgylchedd.

Ein nod yw:

• cynnal yr amgylchedd, gan ystyried cyfleoedd i ddiogelu a chynyddu bioamrywiaeth ble’n ymarferol
• defnyddio adnoddau’n effeithiol, yn cynnwys ynni a dŵr, a rheoli gwastraff yn effeithiol
• defnyddio ynni yn effeithiol ym mhob gweithgaredd
• integreiddio ystyriaethau amgylcheddol o fewn prosesau caffaelio
• dilyn deddfwriaeth amgylcheddol a chodau ymarfer perthnasol
• rheoli gweithgaredd a dŵr gwastraff er mwyn atal llygredd
• hyrwyddo gwell dealltwriaeth o werth dŵr a’i rôl yn ein bywydau bob dydd.

Byddwn yn ceisio gwneud hynny wrth wneud yr isod:

• seilio penderfyniadau busnes ehangach ar ystyriaethau amgylcheddol, cymdeithasol ac economaidd cadarn
• cymryd camau i sicrhau bydd pob aelod staff, yn cynnwys rhai a gyflogir gan bartneriaid contract allanol, yn dilyn y polisi yma
• adolygu perfformiad amgylcheddol a gosod targedau er parhau i wella
• adrodd canlyniadau i bwyllgor ansawdd ac amgylchedd Bwrdd Glas Cymru a chyhoeddi adolygiad perfformiad yn achlysurol.