Dŵr Cymru yw’r chweched o ran maint o blith cwmnïau dŵr a charthffosiaeth rheoledig Cymru a Lloegr. Mae’n gyfrifol am ddarparu cyflenwad dŵr yfed o safon uchel ar gyfer dros 3 miliwn o bobl ac am gludo, trin a gwaredu eu dŵr gwastraff yn effeithiol. Wrth wneud hynny mae wedi ymrwymo i ddarparu gwasanaeth o’r safon uchaf am y pris isaf posibl.
Daeth Glas Cymru yn berchen Dŵr Cymru yn 2001 ac ers hynny mae wedi cyllido a rheoli’r cwmni a’i asedau. Sefydlwyd Glas Cymru fel cwmni cyfyngedig trwy warant, heb gyfranddalwyr, sy’n ei wneud yn aelod unigryw o’r diwydiant dŵr a charthffosiaeth. O ganlyniad, ni fydd yn gorfod talu buddran i gyfranddalwyr ac yn lle hynny bydd yn talu buddran i’w gwsmeriaid ac yn buddsoddi symiau ychwanegol er darparu buddion eraill ar gyfer cwsmeriaid.
